آئمہؑ کی نسبت سے بارہ ساعتوں کی دعائیں

وہ دعائیں جو دن کی بعض ساعتوں میں پڑھی جاتی ہیں اور وہ دعائیں جو دن کی کسی خاص ساعت سے تعلق نہیں رکھتیں۔

جاننا چاہیئے کہ شیخ طوسیؒ سید ابن باقی اور شیخ کفعمیؒ نے دن کو بارہ ساعتوں میں تقسیم کیا ہے اور ہر ساعت کو بارہ آئمہؑ میں سے ایک امامؑ کی طرف نسبت دی ہے لہذاہر دعا کسی ایک ساعت سے مخصوص ہے جو انہی امامؑ سے توسل پر مشتمل ہے جن کی طرف اس ساعت کو نسبت دی گئی ہے اگرچہ انہوں نے اس ضمن میں کوئی خاص روایت نقل نہیں کی تو بھی یہ امر معلوم ہے کہ وہ اس قسم کی باتیں روایت کو مد نظر رکھ کر کرتے ہیں اور اس کتاب میں ہم اسی بیان پر اکتفا کریں گے جو مصباح المتہجد میں ہے کہ فرماتے ہیں:

پہلی ساعت طلوع صبح صادق سے طلوع آفتاب تک ہے اور یہ امیر المؤمنین علیہ السلام کی طرف منسوب ہے۔ اور اس کی دعا یہ ہے:

اے معبود! اے شان و بزرگی اور بڑائی اور اقتدار کے مالک

تو نے جس طرح چاہا اپنی قدرت کو ظاہر کیا

تو نے اپنی معرفت کرا کے اپنے بندوں پر احسان کیا

اور اپنی طاقت کے ذریعے ان پر غالب آیا

اور انہیں شکر نعمت کی تعلیم دی

پس اے معبود بواسطہ علی کے جن کو دین کے لیے چنا گیا

جو فیصلے کرنے میں دانا اور راہ تقوےٰ سے واقف اور متقیوں کے امام ہیں

رحمت فرما محمدؐ اور ان کی آل پر اولین وآخرین لوگوں میں

اور میں انہیں اپنی حاجتوں میں وسیلہ بناتا ہوں

کہ تو رحمت فرما سرکار محمدؐ و آلؑ محمدؐپر اور

میری یہ اور یہ حاجت پوری فرما ۔

كَذَا وَكَذَا کی بجائے اپنی حاجات بیان کرے۔

یہ طلوع آفتاب سے اس کی سرخی دور ہونے تک ہے، یہ امام حسن مجتبیٰ علیہ السلام سے منسوب ہے اور اس کی دعا یہ ہے:

اے معبود! تو نے اپنی عظیم قدرت میں شان و بزرگی کا لباس پہنا

تیری روشن شعاعوں میں تیرا نور تاباں ہے

تیرا علم حجاب پر حاوی ہے

جس سے تو نے ان کو بخشش میں خاص کیا جو تجھ پر بھروسہ رکھتے ہیں

تو اپنی کبریائی میں اتنا بلند ہے

کہ اس میں تو نے اپنے فرمانبردار بندوں پر احسان فرمایا ہے

پس ان کے ذریعے تو نے آسمان والوں کے سامنے اس احسان پر فخر کیا

پس اے معبود! بواسطہ حسن بن علیؑ کے حق کے جو تجھ پر ہے میں سوال کرتا ہوں

اور ان کے ذریعے تجھے پکارتا ہوں اور ان کو اپنی حاجتوں کیلئے وسیلہ بناتا ہوں

کہ تو محمدؐ وآل محمدؐ پر رحمت نازل فرما

اور میری یہ اور یہ حاجت پوری فرما

یہ سورج کی شعاعوں کے پھیلنے سے لے کر قدرے بلند ہونے تک ہے یہ امام حسین علیہ السلام کے ساتھ منسوب ہے اور اس کی دعا یہ ہے:

اے وہ جو اتنا حاوی ہے کہ آنکھ اسے دیکھ نہیں پاتی

اے وہ جو اتنا عظیم ہے کہ اس کی حقیقیت دلوں میں سما نہیں سکتی

اے بہترین احسان کرنے والے ے بہترین درگزر کرنے والے

اے بہترین معاف کرنے والے اے بہت دینے والے اے عطا کرنے والے

اے وہ جس کی مخلوق میں کوئی اس جیسا نہیں

اے وہ جس نے اپنے اولیاء سے اپنی مخلوق پر احسان کیا

جن کو اپنے دین کیلئے پسند کیا ان کے ذریعے اپنے بندوں کو مطیع کیا

اور ان کو اپنی حجتیں بنا کر اپنی مخلوق پر مہربانی فرمائی

میں حسینؑ بن علیؑ کے حق کے واسطے سے سوال کرتا ہوں

جو نواسہؑ رسولؐ ہیں کہ تیری رضاؤں کے تابع رہے

تیرے دین کے خیرخواہ رہے اور تیری طرف رہنمائی کرتے رہے

ان کے حق کے ذریعے سوال کرتا ہوں ان کو اپنی حاجات میں وسیلہ بناتا ہوں

یہ کہ تو رحمت فرما حضرت محمدؐ اور ان کی آلؑ پر

اور میری یہ اور یہ حاجت پوری فرما۔

یہ سورج کے بلند ہونے سے وقت زوال تک ہے، یہ امام زین العابدین علیہ السلام سے منسوب ہے اور اس کی دعا یہ ہے:

اے معبود! تیرا نور تیری کامل عظمتمیں روشن ہے۔

تیری تیز چمک تیری واضح روشنی میں ہے

میں تیرے نور کے وسیلے سے سوال کرتا ہوں جس سے تو نے آسمانوں اور زمینوں کو منور یا

اور ظالموں کی گردنیں توڑیں

جس سے تو نے مردوں کو زندہ کیا اور زندوں کو موت دی

جس سے تو نے منتشر چیزوں کو جمع کیا اور جمع شدہ کو بکھیر دیا۔

اور جس سے تو نے کلمات کو مکمل کیا اور آسمانوں کو کھڑا کیا ہے

میں تیرے ولی علیؑ بن حسین کے حق کے ذریعے سوال کرتا ہوں۔

جنہوں نے تیرے دین کا دفاع کیا اور تیری راہ میں جہاد کیا

میں انھیں اپنی حاجات میں وسیلہ بناتا ہوں

یہ کہ تو سرکار محمدؐ و آلؑ محمدؐ پر رحمت نازل کر

اور میری یہ اور یہ حاجت پوری فرما۔

یہ زوال آفتاب سے چار رکعت نماز ادا کرنے کے وقت تک ہے، یہ امام محمد باقر علیہ السلام سے منسوب ہے اور اس کی دعا یہ ہے:

اے معبود! اے روشنی، بڑائی،

نور، بزرگی اور بادشاہت کے مالک !

تو اپنی بلند شان سے سب پر غالب ہے

تو نے اپنی مہربانی اور رحمت کی بدولت اپنے بندوں پر احسان کیا

انہیں اپنی رضا کے موجود ہونے کی خبر دی

ان کے لیے رہنما بنایا جو انہیں تیری محبت کی طرف لاتا ہے۔

انہیں محبت کا طریقہ بتاتا ہے اور تیری مشیت کی طرف متوجہ کرتا ہے

پس اے معبود! محمد بن علیؑ کے حق کی خاطر جو تجھ پر ہے

اور میں اپنی حاجات میں ان کو وسیلہ بناتا ہوں

کہ تو محمدؐ و آلؑ محمدؐ پر رحمت نازل فرما

اور میری یہ اور یہ میری حاجت پوری فرما۔

كَذَا وَكَذَا کی بجائے اپنی حاجات بیان کرے۔

یہ زوال سے چار رکعت کے وقت کی مقدار کے بعد سے ظہر تک ہے یہ امام جعفر صادقؑ سے منسوب ہے اور اس کی دعا یہ ہے ۔

اے معبود! جو وہم و خیال کی رسائی سے بلند ہے

اے وہ جو نگاہوں کی رسائی سے ہے بالا تر ہے

اے وہ جو تمام صفات سے عالی تر ہے

اے وہ جو لطف کے معانی سے بہت بلند ہے

اور اے وہ جو جلال معانی سے لطیف ہے

میں تیرے نور، ذات اور تیری کبریائی کی روشنی کے ذریعے سوال کرتا ہوں۔

تیری بڑی عظمت کے واسطے جہنم سے بچاؤ کا سوال کرتا ہوں

اور جعفر بن محمدؑ کے تجھ پر حق کی خاطر سوال کرتا ہوں

اور اپنی حاجتوں میں ان کو وسیلہ بناتا ہوں

یہ کہ تو رحمت فرما محمدؐ وآلؑ محمدؐ پر

اور میری یہ اور یہ حاجت پوری فرما۔

یہ ظہر سے لے کر عصر سے پہلے چار رکعت کی ادائیگی کے وقت تک ہے، یہ امام موسیٰ کاظم علیہ السلام سے منسوب ہے اور اس کی دعا یہ ہے۔

اے وہ جس کی صورت وہم و گمان میں آنے سے بلند تر ہے

اے وہ جس کا نور صفات سے بالا تر ہے

اے وہ جو اپنی مخلوق کی دعاؤں کے قریب ہے

اے وہ جسے بیچارے پکارتے ہیں

ڈرے ہوئے جس کی پناہ لیتے ہیں، ایمان والے جس سے مانگتے ہیں

شکر کرنے والے جس کی عبادت کرتے ہیں اور مخلص لوگ جس کی حمد کرتے ہیں

میں تیرے چمکتے ہوئے نور کے واسطے سے سوال کرتا ہوں

اور تجھ پر موسیٰ بن جعفرؑ کے حق کے ذریعے سوال کرتا ہوں

ان کے وسیلے تیرا تقرب چاہتا ہوں اور ان کواپنی حاجتوں میں وسیلہ بناتا ہوں

کہ محمدؐ و آلؑ محمدؐ پر رحمت نازل فرما

اور میری یہ اور یہ حاجت پوری فرما۔

یہ ظہرکے بعد چار رکعت کی ادائیگی کے وقت سے عصر تک ہے۔ یہ امام علی رضا علیہ السلام سے منسوب ہے اور اس کی دعا یہ ہے:

اے بہترین پکارنے جانے والے

اے بہترین عطا کرنے والے اے، بہترین سوال کیے جانے والے

اے وہ جس کے نام سے دن کی روشنی چمکتی ہے

اور رات کی تاریکی کو سیاہی ملتی ہے

جس کے نام سے سیلابوں کو روانی ملتی ہ

ے اور جس نے اپنے اولیاء کو ہر بھلائی دی

اے وہ جس کا نور آسمانوں سے بلند ہے جس کی روشنی زمین سے بالا ہے

جس کی رحمت شرق و غرب پر چھائی ہے

اے بہت دینے والے

میں تجھ سے علیؑ بن موسیٰؑ کے حق کے واسطے سے سوال کرتا ہوں

اور حاجتوں میں ان کو وسیلہ بناتا ہوں

کہ تو رحمت فرما محمدؐ و آلؑ محمدؐ پر

اور میری یہ اور یہ حاجت پوری فرما۔

یہ ساعت نماز عصر سے دو گھنٹے بعد تک ہے یہ امام محمد تقی علیہ السلام سے منسوب ہے اور اس کی دعا یہ ہے:

اے وہ جسے بے چارے پکارتے ہیں تو جواب دیتا ہے

خوف زدہ پناہ مانگتے ہیں تو انہیں امان دیتا ہے۔

فرماں بردار عبادت کرتے ہیں تو قبول کرتا ہے

اور ایماندار جس کا شکر کرتے ہیں تو انہیں اور دیتا ہے

اطاعت کرتے ہیں تو انہیں بچاتا ہے، مانگتے ہیں تو انہیں دیتا ہے

وہ نعمتوں کو بھول جائیں تو ان کے دلوں کو شکر سے خالی نہیں ہونے دیتا

ان پر احسان کیا تو ان کو اپنا نام نہیں بھولنے دیا

تجھ سے سوال کرتا ہوں محمدؑ بن علیؑ کے واسطے جو تیری کامل حجت ہیں

تیری مکمل نعمت ہیں اور تیرا واضح راستہ ہیں

میں اپنی حاجتوں میں ان کو وسیلہ بناتا ہوں یہ

کہ تو سرکار محمدؐ و آلؑ محمدؐ پر رحمت نازل کر

اور میری یہ اور یہ حاجت پوری فرما۔

یہ نماز عصر کے دو گھنٹے بعد سے سورج کے زرد ہونے سے پہلے تک ہے یہ امام علی نقیؑ سے منسوب ہے۔ اور اس کی دعا یہ ہے۔

اے وہ جو بلند ہے تو بزرگ بھی ہے

اے جو حاوی ہے تو غالب بھی ہے اور غالب ہے تو حاوی بھی ہے۔

اے جو معزز ہے تو عزت میں بڑا بھی ہے

اے وہ جس کا سایہ ساری مخلوق پر ہے

اے وہ جس نے اپنے بندوں پر نیکیوں سے احسان کیا

اے انتقام لینے والے غالب

اے اپنے غلبے کے ساتھ مشرکوں سے انتقام لینے وال

ے میں تجھ سے علیؑ بن محمدؑ کے حق کے ساتھ سوال کرتا ہوں

اور انہیں حاجتوں میں وسیلہ بناتا ہوں

کہ تو محمدؐو آلؑ محمدؐ پر رحمت نازل کر

اور میری یہ اور یہ حاجت پوری فرما ۔

یہ آفتاب کے زرد ہونے سے پہلے سے لے کر اس کے مکمل زرد ہونے تک ہے۔ یہ امام حسن عسکریؑ سے منسوب ہے اور اس کی دعا یہ ہے:

اے اول جس سے پہلے کوئی نہیں، اے آخر جس کے بعد کوئی نہیں

اے وہ قائم جس کی قدامت کی کوئی حد نہیں

اے غالب جس کی عزت ختم نہیں ہوتی

اے وہ حکمران جس کی حکومت میں کمزوری نہیں

اے عطا کرنے والے جس کی نعمت دائمی ہے

اے جبروت والے اور اپنے اولیاء کو عزت دینے والے

اے علم کے ساتھ باخبر، اے قدرت کے ساتھ عالم

اے ذاتی قدرت والے

میں تجھ سے سوال کرتا ہوں حسن بن علیؑ کے حق کے ذریعے

اور اپنی حاجتوں میں نہیں وسیلہ بناتا ہوں

کہ تو رحمت فرما محمد و آل محمد پر

اور میری یہ اور یہ حاجت پوری فرما۔

یہ آفتاب کے زرد ہونے سے لے کر اس کے غروب تک ہے۔ یہ امام العصرؑ سے منسوب ہے اور اس کی دعا یہ ہے:

اے وہ جو بذات خود اپنی مخلوق سے یگانہ ہے

اے وہ جو اپنے کام میں مخلوق سے بے نیاز ہے

اے وہ جس نے مہربانی سے مخلوق کو اپنا تعارف کرایا

اے وہ جو فرمانبرداروں کو اپنی رضا کی طرف لے جاتا ہے

اے وہ جو ادائے شکر میں اپنے محبّوں کی مدد کرتا ہے

اے وہ جس نے اپنے دین سے ان پر احسان کیا اور اپنے کرم سے انہیں نوازا

میں تجھ پر خلف صالح ﴿مہدیؑ عج﴾ کے حق کا واسطہ دے کر سوالی ہوں

اور تیری بارگاہ میں فریاد کرتا ہوں اور اپنی حاجتوں میں ان کو وسیلہ بناتا ہوں

کہ تو سرکار محمدؐ و آلؑ محمدؐ پر رحمت نازل کر

اور میری یہ اور یہ حاجت پوری فرما

اے معبود! محمدؐ و آلؑ محمدؐ پر رحمت نازل فرما

کہ وہ صاحبان امر ہیں جن کی اطاعت کا تو نے حکم دیا ہے

وہ پیغمبرؐ کے ایسے رشتہ دار ہیں جس سے وابستگی کا تو نے حکم دیا

اور وہ آنحضرتؐ کے ایسے قرابت دار ہیں جن کی مودت کا تو نے حکم دیا

وہ ایسے مولیٰ ہیں جن کا حق پہنچاننے کا تو نے حکم دیا

اور ایسے اہل بیتؑ ہیں جن سے تو نے نجاست کو دور رکھا اور انہیں پاک رکھا جو پاک رکھنے کا حق ہے

یہ کہ تو محمدؐ و آلؑ محمدؐ پر رحمت نازل فرما

اور میری یہ اور یہ حاجت پوری فرما۔