دن و رات کی تین ساعتوں کی دعا

مقباس المصابیح میں علامہ مجلسیؒ فرماتے ہیں کہ معتبر اسناد کے ساتھ امام جعفر صادق علیہ السلام سے منقول ہے کہ حق سبحانہ و تعالیٰ دن کی تین ساعتوں میں اور رات کی تین ساعتوں میں اپنی ذات کی بزرگی اور بڑائی بیان فرماتا ہے ان میں دن کی تین ساعتیں وقت چاشت سے اول ظہر تک اور رات کی تین ساعتیں رات کی آخری تہائی سے صبح تک ہیں۔ پس جو بندۂ مومن ان مذکورہ ساعتوں میں درج ذیل تمجید پڑھے اور اس کا دل خدا سے لگا ہو تو اللہ تعالیٰ اس کی حاجات پوری فرمائے گا۔ اگر وہ بد بخت و بد انجام ہے تو خوش بخت و نیک انجام ہو جائے گا۔

مؤلف کہتے ہیں: اگر ان ساعتوں میں یہ دعا پڑھے تو بہت مناسب ہے اور وہ دعا یہ ہے

تو معبود ہے نہیں کوئی معبود مگر تو کہ جہانوں کا پروردگار ہے

تو معبود ہے نہیں کوئی معبود مگر تو کہ بڑے رحم والا مہربان ہے

تو معبود ہے نہیں کوئی معبود مگر تو کہ بلند تر و بزرگ تر ہے

تو معبود ہے نہیں کوئی معبود مگر تو قیامت کے دن کا مالک ہے

تو معبود ہے نہیں کوئی معبود مگر تو کہ مہربان پردہ پوش ہے

تو معبود ہے نہیں کوئی معبود مگر تو کہ غلبے والا اور حکمت والا ہے

تو معبود ہے نہیں کوئی معبود مگر تو کہ تجھ سے ہر چیز کی ابتداء

اور تیری ہی طرف بازگشت ہے

تو معبود ہے وہ کہ نہیں کوئی معبود مگر تو کہ ہمیشہ سے ہے ہمیشہ رہے گا

تو وہ معبود ہے کہ نہیں کوئی معبود مگر تو ہے جو خیر و شر کا خالق ہے

تو معبود ہے نہیں کوئی معبود مگر تو ہے جو جنت و جہنم کاخالق ہے

تو معبود ہے نہیں کوئی معبود مگر تو جو یگانہ و بے نیاز ہے

جس نے نہ جنا اور نہ جنا گیا اور نہ کوئی اس کا ہم پلہ ہے

تو معبود ہے نہیں کوئی معبود مگر تو کہ بادشاہ ہے پاک صفات،

سلامتی والا، امن دینے والا، نگہبان،

عزت والا، زبردست، بڑائی والا۔

اللہ پاک ہر اس چیز سے جسے اس کا شریک بناتے ہیں

تو معبود ہے جو پیدا کرنے والا، سنوارنے والا، صورت بنانے والا

تیرے لیے اچھے اچھے نام ہیں

تیری تسبیح کرتے ہیں جو آسمانوں اور زمین میں ہیں

اور تو غلبے والا حکمت والا ہے

تو معبود ہے نہیں کوئی معبود مگر تو کہ بڑائی بلندی اور بزرگی تیرا لباس ہے ۔