گھر سے نکلتے وقت

اللہ بزرگ تر ہے۔

خدا کے ساتھ باہر نکلتا ہوں، خدا کے ساتھ اندر آتا ہوں اور خدا پر بھروسا رکھتا ہوں ۔

اے معبود میرے اس کام میں بھلائی کی راہ کھول دے اور اس کا انجام بہتر کر دے اور مجھے ہر حرکت کرنے والے کی شر سے بچا جس کی مہار تیرے ہاتھ میں ہے بے شک میرا رب سیدھے راستے پر ہے۔

خدا کے نام سے، میں خدا پر ایمان لایا اور خدا پر بھروسا کرتا ہوں ۔

خدا کے نام سے، میرے لئے اللہ کافی ہے، میں نے اللہ پر بھروسا کیا اے معبود میں تجھ سے اپنے تمام امور میں خیر چاہتا ہوں اور تیری پناہ لیتا ہوں دنیا کی رسوائی اور آخرت کے عذاب سے ۔

خدا کے نام سے، میں نے خدا پر بھروسا کیا نہیں کوئی حرکت و قوت مگر جو خدا سے ہے اے معبود میں تجھ سے بہتری چاہتا ہوں جس کام لئے جا رہا ہوں تیری پناہ لیتا ہوں اس کے شر سے جس کام کے لئے نکلا ہوں اے معبود مجھ پر اپنے فضل میں اضافہ فرما اور مجھے تمام نعمتیں عطا فرما مجھے اپنی فرمانبرداری میں لگا دے مجھے اس میں رغبت دلا جو کچھ تیرے ہاں ہے اور مجھ کو اپنے دین اور اپنے رسول صلی اللہ علیہ وآلہ کے دین پر موت دینا ۔

خدا کے نام سے جو بڑا رحم والا مہربان ہے میں نکل رہا ہوں خدا کی طاقت و قوت سے نہ اپنی طاقت وقوت کے ساتھ بلکہ تیری طاقت و قوت سے اے میرے مالک تیرے رزق کے حصول کے لئے، پس وہ مجھے آسانی کے ساتھ عطا فرما ۔

اے معبود میری حفا ظت فرما اور جو کچھ میرے پاس ہے اس کی بھی اور جو کچھ میرے پاس ہے اسے سالم رکھ اور مجھے جو کچھ میرے ہمراہ ہے اسے اچھی طرح اپنی منزل پر پہنچا دے۔

خدا کے نام سے میں خدا پر ایمان لایا اور خدا پر بھروسا کیا آگے جو اللہ چاہے، نہیں کوئی طاقت و قوت مگر جو اللہ سے ہے۔