نماز اضافۂ رزق

روایت ہوئی ہے کہ ایک شخص حضرت رسول اللہ کی خدمت میں حاضر ہوا اور عرض کیا یا رسول اللہؐ میں ایک عیالدار آدمی ہوں اور حالات خراب ہیں۔ آپ مجھے کوئی ایسی دعا تعلیم فرمایں کہ جس کے ذریعہ خدا کو پکاروں تا کہ وہ مجھے اتنا رزق دے کہ میں اپنا قرض اتاروں اور اپنے عیال کے اخراجات میں اس سے مدد حاصل کروں۔ حضرت رسالت مآب نے فرمایا: صحیح طریقہ سے وضو کر کے دو رکعت نماز بجا لاؤ کہ جس کے رکوع و سجود کامل ہوں اس کے بعد یہ دعا پڑھو؛

اے بزرگی والے، اے یگانہ، اے عطا کرنے والے

میں نے تیری طرف رخ کیا ہے تیرے نبی نبی رحمت محمد صلی اللہ علیہ وآلہ وسلم کے وسیلے سے

یا محمدیا رسول اللہ بے شک میں نے آپ کے وسیلے سے اللہ کی طرف رخ کیا ہے

جو میرا رب، آپ کا رب اور ہر چیز کا رب ہے

سوال کرتا ہوں اے معبود یہ کہ تو رحمت نازل فرما محمد اور ان کے اہل بیتؑ پر

اور سوال کرتا ہوں تجھ سے کہ تیرے الطاف کریمانہ میں سے لطف خاص کا

با آسانی کامیابی اور وسیع رزق کا سوال ہے

جس سے میری پریشانی دور ہو اور میرا قرض ادا ہو جائے

اور اس کے ذریعے اپنے عیال کی کفالت کروں۔

جب دوکان پر جانے لگو تو پہلے مسجد میں جاؤ اور وہاں دو یا چار رکعت نماز ادا کرنے کے بعد یہ دعا پڑھو:

میں خدا کی قوت کے ساتھ صبح کی

میں نے اپنی طاقت وقوت کے بغیر صبح نہیں کی

بلکہ تیری طرف سے طاقت و قوت کے ساتھ کی

یا رب اے معبود! بے شک میں تیرا بندہ ہوں تجھ سے فضل مانگتا ہوں جیسا کہ تو نے مجھے حکم دیا ہے

پس مجھے عطا فرما اور میں تیری پناہ میں آسودہ ہوں ۔

یہ نماز دو رکعت ہے، پہلی رکعت میں سورۂ حمد کے بعد تین مرتبہ سورۂ کوثر اور دوسری رکعت میں سورۂ حمد کے بعد سورۂ فلق و سورۂ والناس تین تین مرتبہ پڑھے۔