بیماری اور درد سے شفایابی کی دعائیں

سید ابن طاؤسؒ نے مہج الدعوات میں سعید ابن ابو الفتح قمی الواسطی سے نقل کیا ہے کہ انہوں نے کہا مجھے ایک شدید بیماری لاحق ہو گئی کہ جس کے علاج سے حکیم و طبیب عاجز آ کئے۔ چنانچہ میرے والد مجھے شفا خانے لے گئے تو وہاں کے اطباء کے علاوہ ایک ماہر نصرانی طبیب کو بھی بلوایا گیا۔ سب نے میرے بارے خوب سوچ و بچار کی اور آخر اس نتیجے پر پہنچے کہ اس بیماری کا علاج سوائے خدا کے کسی کے بس میں نہیں ہے۔ یہ سن کر میں بہت ہی شکستہ دل اور غمگین ہو گیا اور میرے والد کی جو کتابیں میرے قریب پڑی تھیں ان میں سے اٹھا کر ایک کا مطالعہ کرنے لگ گیا۔ اس اثنا میں ایک کتاب کی پشت پر تحریر دیکھی کہ امام جعفر صادقؑ نے حضرت رسول خدا سے روایت کی ہے کہ آپؐ نے فرمایا جس شخص کو کوئی بیماری لاحق ہو تو وہ نماز فجر کے بعد چالیس مرتبہ پڑھے:

خدا کے نام سے جو بڑا رحم والا مہربان ہے

حمد ہے اللہ کے لئے جو جہانوں کا رب ہے

ہمیں اللہ کافی ہے وہ بہترین کار ساز ہے

با برکت ہے جو سب سے اچھا خالق ہے

اور نہیں ہے طاقت و قوت مگر جو خدائے بلند وبزرگ سے ہے۔

اس دوران درد اور بیماری کی جگہ ہاتھ پھیرتا رہے پس خداوند عالم اسے صحت عطا فرمائے گا۔ اس پر میں نے صبح کا انتظار کیا صبح ہوئی تو فریضہ نماز بجا لانے کے بعد چالیس مرتبہ یہ دعا پڑھی اور پڑھتے وقت بیماری کی جگہ ہاتھ پھیرتا رہا، چنانچہ اللہ نے میری بیماری دور کر دی۔ میں بیٹھا بیٹھا ڈر رہا تھا کہ وہ بیماری کہیں پھر سے نہ پلٹ آئے، لیکن جب تین دن گزر گئے تو میں نے یہ ماجرا اپنے والد کو سنایا انہوں نے خدا کا شکر ادا کیا اور پھر یہ ماجرا ایک طبیب سے بیان کیا کہ جو کافر ذمی تھا۔ وہ میرے پاس آیا اور دیکھا کہ واقعی بیماری دور ہو چکی تھی۔ اس پر اس نے اس وقت کلمۂ شہادت زبان پر جاری کیا اور صحیح معنوں میں مسلمان ہو گیا۔

مصباح میں شیخ کفعمیؒ فرماتے ہیں کہ جب تمہیں کوئی بیماری لاحق ہو تو ہر فریضہ نماز کے بعد اپنا ہاتھ مقام سجدہ پر لگا کر درد و بیماری کی جگہ پر پھیرو اور سات مرتبہ یہ دعا پڑھو ؛

اے وہ خدا جس نے زمین کو پانی پرجمایا

ہوا کو آسمان کے ساتھ روکا

اور اپنی ذات کے لئے اچھے اچھے نام پسند فرمائے

تو رحمت فرما محمد پر اور آلؑ محمد پر

اور میری یہ حاجت پوری کر

اور مجھے اس بیماری سے صحت و سلامتی عطا فرما۔

یہاں کذا وکذا کی جگہ اپنی بیماری کا نام لے ۔

دعائے عافیت

اے بلند، اے بزرگ، اے رحم والے ،اے مہربان

اے دعائیں سننے والے، اے بھلائیاں عطا کرنے والے

رحمت فرما محمدؐ اور آلؑ محمد پر

اور مجھے دنیا وآخرت کی بھلائی عطا فرما جس کا تو اہل ہے

مجھے دنیا و آخرت کے شر سے بچا جیسا کہ تو اس کا اہل ہے

اور اس درد و بیماری کو مجھ سے دور کر دے

اس مرحلے پر اپنے درد اور بیماری کا نام لے اور کہے:

کیونکہ وہ مجھے تکلیف دیتا ہے اور غمگین کرتا ہے۔

دعا کے پڑھنے میں آہ و زاری کرے کہ اس سے صحت حاصل ہونے میں جلدی ہو گی۔

نیز کتاب عدۃ الداعی میں امام جعفر صادق علیہ السلام سے منقول ہے کہ جب تمہیں کوئی درد و تکلیف ہو تو زیر آسمان آ کر دونوں ہاتھ بلند کر کے یہ دعا پڑھے۔

اے معبود تو نے قرآن میں بعض قوموں کی سر زنش کی اور فرمایا

اے پیغمبر، ان سے کہو کہ پکارو ان کو جنہیں تم خدا کے علاوہ معبود سمجھتے ہو

کہ وہ تم سے کوئی تکلیف دور نہیں کر سکتے نہ کوئی تبدیلی لا سکتے ہیں

پس اے وہ جس کے علاوہ میری کوئی تکلیف دور نہیں کر سکتا

نہ میری حالت بدل سکتا ہے

تو رحمت فرما محمدؐ اور اسکی آلؑ پر میری تکلیف دور کر

اور اسے اس کی طرف منتقل کر دے جو تیرے ساتھ کسی اور کو معبود پکارتا ہے

پس میں گواہی دیتا ہوں کہ تیرے سوا کوئی معبود نہیں ۔

ایک اور روایت میں ہے کہ جس مومن کو بیماری یا کوئی درد لاحق ہو تو درد کی جگہ ہاتھ پھیرتے ہوئے خلوص نیت سے کہے:

اور ہم نے قرآن میں نازل کیا جو مومنوں کے لئے شفا اور رحمت ہے

اور ظالموں کو کچھ نہیں ملتا مگر نقصان و خسارہ۔

تو اسے شفا حاصل ہو گی چاہے بیماری کوئی بھی ہو اس کیلئے شِفَاءٌ وَرَحْمَۃٌ لِلْمُؤْمِنِیْنَ کا حکم آ چکا ہے۔

ایک صاع ﴿تین کلو﴾ گندم لے اور پیٹھ کے بل چت لیٹ کر وہ گندم اپنے سینے پر ڈال لے اور کہے:

اے معبود تجھ سے سوال کرتا ہوں بواسطہ تیرے اس نام کے واسطے

جس کے ذریعے کوئی پریشان حال سوال کرے ت

و تو اس کی تکلیف دور کرتا ہے اسے زمین پر اقتدار دیتا ہے

اور اسے اپنی مخلوق پر اپنا نائب بناتا ہے

سوال کرتا ہوں تو رحمت فرما محمدؐ اور ان کی اہل بیتؑ پر

اور مجھ کو اس بیماری سے صحت عطا فرما۔

پھر اٹھ کر بیٹھ جائے اور اپنے ارد گرد سے گندم کے دانے اکھٹے کرے اور یہی دعا پڑھے۔ اس گندم کے چار حصے کر کے چار مسکینوں کو دے اور یہی دعا پڑھے انشاء اللہ اس بیماری سے شفا یاب ہو جائے گا ۔

حضرت امیر المؤمنین علی ابن ابی طالب علیہ السلام سے منقول ہے کہ جسم کے جس حصے میں درد ہو ہاتھ رکھ کر یہ دعا تین مرتبہ پڑھو:

اللہ اللہ اللہ میرا سچا رب ہے میں کسی کو اس کا شریک نہیں بناتا

اے معبود اس درد اور ہر مصیبت میں تو ہی حکیم ہے پس میرا یہ درد دور فرما ۔

نیز حضرت امام جعفر صادق علیہ السلام سے منقول ہے کہ درد کی جگہ پر ہاتھ رکھ کر کہو بسم اللہ، پھر اس جگہ پر ہا تھ پھیرتے ہوئے سات مر تبہ کہو

پناہ لیتا ہوں عزت خدا کی، پناہ لیتا ہوں قدرت خدا کی، پناہ لیتا ہوں جلال خدا کی

پناہ لیتا ہوں عظمت خدا کی اور پناہ لیتا ہوں ذات خدا کی

پناہ لیتا ہوں حضرت رسول خدا کی

اور پناہ لیتا ہوں اسمائے الہی کی اس کے شر سے جس سے ڈرتا ہوں

اور اس کے شر سے کہ جس سے اپنی جان کے لئے خوف کھاتا ہوں۔

ایک روایت ہے کہ جب کوئی بچہ بیمار ہو تو اس کی ماں گھر کی چھت پر جا کر سر سے چادر اتار دے اور زیر آسمان بال بکھرا کر سر سجدے میں رکھ دے اور یہ دعا پڑھے

اے معبود اے پالنے والے تو نے ہی مجھے عطا کیا اور تو نے ہی مجھے یہ دیا تھا

پس اے معبود اپنی اس بخشش کو آج پھر تازہ کر دے کہ تو ہی قدرت و اختیار والا ہے۔

اور پھر اس وقت تک سر سجدے سے نہ اٹھائے جب تک بچے کو آرام نہ ہو جائے۔

شیخ شہیدؒ نے نقل فرمایا ہے کہ جسے کوئی شدید درد لاحق ہو جائے تو وہ ایک برتن میں کچھ گندم ڈال کر اپنے پاس رکھے اور پانی کا ایک جام پر چالیس مرتبہ سورۂ فاتحہ پڑھے پھر وہ پانی اپنے اوپر چھڑک لے۔ بعد میں اپنے پاس رکھی ہوئی گندم کسی سائل کو دے اور اسے کہے کہ وہ اس کیلئے بیماری سے شفا یابی کی دعا کرے، انشاء اللہ شفا حاصل ہو جائے گی۔ اور معتبر اسناد کے ساتھ یہ بات ہم تک پہنچی ہے کہ اپنی بیماروں کا علاج صدقہ سے کرو۔

نیز شیخ شہیدؒ نے دفع مرض کے لئے یہ بھی نقل کیا ہے کہ انسان اپنا ہاتھ بیمار کے دائیں بازو پر رکھے اور سات مرتبہ سورۂ حمد کی تلاوت کرے اور پھر یہ دعا پڑھے:

اے معبود اس سے بیماری اور اسباب دور کر دے

اسے صحت اور شفا کی طرف لوٹا دے

بہترین حفاظت سے اس کی مدد کر

اور اسے اچھی حالت کی طرف پلٹا دے

اس بیماری میں اسے جو تکلیف پہنچی ہے

اس کو اس کی زندگی کا سبب اور اس کے گناہوں کا کفارہ بنا دے

اے معبود رحمت نازل فرما محمد اور آلؑ محمد پر۔

اگر یہ دعا اس کے تندرست ہونے کے سلسلے میں کوئی اثر نہ دکھائے تو دوبارہ یہی عمل کرے لیکن اس دفعہ سورۂ حمد ستر مرتبہ پڑھے، انشاء اللہ دعا اثر کرے گی۔

امام محمد باقرؑ سے روایت ہے کہ جس کو سورۂ حمد اور سورۂ توحید صحت یاب نہ کریں تو پھر کوئی چیز اس کو صحت یاب نہیں کر سکتی جب کہ یہ دو سورتیں ہر مرض و بیماری کو دور کرتی ہیں۔ امام جعفر صادقؑ سے منقول ہے جس مومن کو کوئی درد یا بیماری لاحق ہو تو خلوص نیت کے ساتھ یہ دعا

اور جو نازل کیا گیا قرآن سے اور وہ مومنین کے لئے شفا و رحمت ہے ۔

پڑھے اور درد و بیماری کی جگہ ہاتھ پھیرے تو حق تعالیٰ اسے شفا عطا فرمائے گا۔

امام علی رضا علیہ السلام سے مروی ہے کہ ہر طرح کی درد و بیماری پر یہ دعا پڑھے:

اے شفا کے نازل کرنے والے اور بیماری کے دور کرنے والے

رحمت فرما محمد اور ان کی آلؑ پر

اور میرے اس درد کی شفا نازل کر۔

سید ابن طاؤسؒ نے کتاب مہج میں ابن عباسؓ سے روایت کی ہے کہ انہوں نے کہا میں امیر المؤمنین علیہ السلام کے پاس بیٹھا تھا کہ اچانک وہاں ایک شخص آ گیا کہ اس کا رنگ فق تھا۔ اس نے عرض کیا اے امیر المؤمنین علیہ السلام! میں ہمیشہ بیمار رہتا ہوں مجھے کئی بیماریاں لاحق ہیں، لہذا مجھے کوئی ایسی دعا تعلیم فرمائیں کہ جس سے میں اپنی بیماریوں کے مقابل مدد کر سکوں۔ آنجنابؑ نے فرمایا کہ میں تجھے وہ دعا تعلیم کرتا ہوں جو جبرائیلؑ نے حسنینؑ کی بیماری کے وقت حضرت پیغمبرؐ کو بتائی تھی اور وہ دعا یہ ہے۔

اے معبود جو نعمتیں تو نے مجھے دی میں ان کے مقابل میرا شکر بہت ہی کم ہے

اور جو سختیاں تو نے مجھ پر بھیجی ہیں ان کے مقابل میرا صبر بہت کم ہے

پس اے وہ کہ جس کی نعمتوں پر میرا شکر بہت کم ہے تو اس نے مجھے محروم نہیں کیا

اے وہ جس کی سختی پر میرا صبر بہت کم ہے تو اس نے مجھ چھوڑ نہیں دیا

اے وہ جس نے مجھے گناہ میں دیکھا تو مجھے رسوا نہیں کیا

اور اے وہ جس نے مجھے خطا میں دیکھا تو اس نے مجھ کو سزا نہیں دی

رحمت فرما محمد اور آلؑ محمد پر

اور میرے گناہ بخش دے اور مجھے اس بیماری سے شفا بخش دے

کیونکہ تو ہر چیز پر قدرت رکھتا یے۔

ابن عباسؓ کہتے ہیں میں اس شخص کو ایک سال کے بعد دیکھا تو اس کا رنگ سرخ و سفید ہو چکا ہے۔ وہ کہنے لگا میں نے اس دعا کو جس درد و بیماری پر پڑھا اس سے شفایاب ہو گیا اور جس حاکم کے پاس گیا اس سے خائف تھا خدا نے مجھے اس کے شر سے بچا لیا۔ منقول ہے کہ نجاشی کو اپنے آبا سے چار سو سال پرانی ایک ٹوپی ورثے میں ملی تھی کہ اسے جس درد و بیماری پر رکھی جاتی وہ درد و بیماری دور ہو جاتی جب اس ٹوپی کو ادھیڑا گیا کہ دیکھیں کہ اس میں کیا ہے تو دیکھا اس میں یہ لکھا ہوا تھا۔

خدا کے نام سے جو حقیقی اور سچا بادشاہ ہے

خدا گواہی دیتا ہے کہ نہیں کوئی معبود مگر وہی ہے

ملائکہ اور صاحبان علم بھی یہی گواہی دیتے ہیں کہ وہ عدل قائم کیے ہوئے ہے

نہیں کوئی معبود مگر وہ کہ عزت و حکمت والا ہے

بے شک صرف خدا کا پسندیدہ دین اسلام ہے

اللہ کیلئے ہے نور وحکمت طاقت و قوت

قدرت و اقتدار اور محکم دلیل

نہیں کوئی معبود سوائے اللہ کے، آدمؑ خدا کے چنے ہوئے ہیں

نہیں کوئی معبود سوائے اللہ کے، ابراہیمؑ اس کے مخلص دوست ہیں

نہیں کوئی معبود سوائے اللہ کے، موسیٰؑ اس کے کلیم ہیں

نہیں کوئی معبود سوائے اللہ کے، محمد عربی اللہ کے رسول ہیں

اس کے حبیب اور اس کی مخلوق ہیں اس کے پسندیدہ ہیں

ٹھہر جاؤ اے تمام دکھو اور دردو، تمام تکلیفو اور تمام بیماریو

تمام علالتو اور تمام بخارو

کہ میں نے تمہیں اس کے نام سے روکا جس کے حکم سے رات دن میں ہر چیز ٹھہر جاتی ہے

اور وہ سننے اور جاننے والا ہے

اور خدا رحمت نازل کرے مخلوق میں بہتر محمد اور ان کی ساری آلؑ پر۔

مکارم اخلاق میں آیا ہے کہ نجاشی کو سر درد کی شکایت رہتی تھی اس نے اپنی اس تکلیف کے بارے میں حضور کی خدمت اقدس میں عریضہ روانہ کیا تو حضور اکرم نے اس کو یہ حرز بھیجا اس نے اپنی ٹوپی میں رکھا تو اس کا سر درد جاتا رہا۔ وہ حرز یہ ہے۔

خدا کے نام سے جو بڑا رحم والا

مہربان ہے نہیں کوئی معبود سوائے اللہ کے جو حقیقی اور سچا بادشاہ ہے

خدا گواہی دیتا ہے .....

اللہ کیلئے ہے نور وحکمت، عزت، قوت، دلیل،

قدرت اور قتدار اور رحمت

اے وہ جو سوتا نہیں نہیں

کوئی معبود سوائے اللہ کے، ابراہیم اس کے سچے دوست ہیں

نہیں کوئی معبود سوائے اللہ کے، موسیٰؑ اس کے کلیم ہیں

نہیں کوئی معبود سوائے اللہ کے، عیسیٰ اس کی روح اور اس کا کلمہ ہیں

نہیں کوئی معبود سوائے اللہ کے، محمد خدا کے رسول اور اس کے پسندیدہ اور پسند ہیں

خدا رحمت فرمائے ان پر اور ان کی آلؑ پر اور سلام

اے درد ٹھہر جا میں ٹھہراتا ہوں اس کے نام سے جس کے ذریعے زمین و آسمان کی ہر چیز اس کے سامنے ٹھہری ہے

اور جس سے رات دن میں ہر چیز اس کے سامنے ساکن ہے اور وہ سننے والا ہے جاننے والا ہے

پس ہم نے ہوا پر اسے اختیار دیا کہ اس کے حکم پر چلتی ہے جہاں وہ جاتا ہے

اور شیطانوں کو بھی جو معمار بھی تھے اور غوطہ خور بھی

آگاہ ہو کہ امور کی بازگشت خدا کی طرف ہے۔