بخار کا تعویذ

﴿۱﴾ یہ وہ تعویذ ہے جو رسول اعظم نے حضرت علیؑ کو تعلیم فرمایا تھا اسے پڑھے:

اے معبود رحم فرما میری نازک جلد پر اور میری کمزور ہڈیوں پر

تیری پناہ لیتا ہوں تپش کے جوش سے

اے بخار وتپ کی بیماری اگر تو خدا پر ایمان رکھتی ہے

تو میرا گوشت نہ کھا میرا خون نہ پی اور

نہ میرے منہ میں جوش کر

تو اس شخص کی طرف چلی جا جو سمجھتا ہے کہ خدا کے ساتھ کوئی معبود ہے

کیونکہ میں گواہی دیتا ہوں کہ نہیں کوئی معبود سوائے اللہ کے وہ یکتا ہے کوئی اس کا شریک نہیں

اور گواہی دیتا ہوں محمدؐ اس کے بندے اور رسولؐ ہیں۔

﴿۲﴾ صبح شام دعائے نور پڑھتا رہے کہ جسے جناب سلمان فارسیؓ نے حضرت زہرا سلام اللہ علیہا سے نقل کیا ہے اور وہ مفاتیح الجنان میں مذکور ہے انشاء اللہ بخار اور تپ جاتا رہے گا۔

﴿۳﴾ روایت میں آیا ہے کہ ائمہ بخار کا علاج ٹھنڈے پانی سے کیا کرتے تھے اور ایک کپڑا تر کر کے بدن پر لپیٹتے تھے۔

﴿۴﴾ امام علی رضا علیہ السلام کے خط سے معلوم ہوا ہے کہ بخار دور کرنے کے لئے کاغذ کے تین ٹکڑوں پر لکھے پہلے ٹکڑے پر یہ لکھے ۔

خدا کے نام سے جو بڑا رحم ولا مہربان ہے

ڈرو نہیں بے شک تمہی برتر ہو۔

دوسرے ٹکڑے پر لکھے:

خدا کے نام سے جو بڑا رحم ولا مہربان ہے

ڈرو نہیں کہ ظالموں سے نجات پاؤ گے۔

تیسرے ٹکڑے پر لکھے۔

خدا کے نام سے جو بڑا رحم والا مہربان ہے

آگاہ رہو کہ خلق و امر اسی کے لئے ہے

بابرکت ہے خدا جو جہانوں کا رب ہے ۔

ان تین ٹکڑوں میں سے ہر ایک پر تین مرتبہ سورۂ توحید پڑھ کر روزانہ ایک ٹکڑا نگل لیا کرے انشاء اللہ بخار دور ہو جائے گا۔

﴿۵﴾ قمیض کے بٹن کھول کر سر اندر کر لے اور اذان اقامت کہے پھر سات مرتبہ سورہ حمد پڑھے تو انشاء اللہ بخار اتر جائے گا ۔

﴿۶﴾ ایک روایت میں آیا ہے کہ چمڑے کے ٹکڑے پر یہ تعویذ لکھے اور بیمار کے گلے میں باندھے۔

اے معبود میں سوال کرتا ہوں تیری عزت و قدرت کے واسطے سے

اور تیرے اقتدار اور جسے تیرا علم گھیرے ہوئے ہے (اس کے واسطے سے)

یہ کہ تو رحمت فرما محمدؐ اور آلؑ محمدؐ پر

اور یہ کہ فلاں بن فلاں پر کوئی چیز مسلط نہ کر

اپنی مخلوق سے، جو کہ اسے تکلیف پہنچائے

اور رحم کر نازک جلد اور کمزور ہڈیوں پر

کہ بخار ان کو تپش نہ چڑھائے

ٹل جا اے بخار، اے گوشت کھانے والے اور خون پینے والے

جس کی سردی اور گرمی جہنم میں سے ہے

اے بیماری اگر تو ایمان رکھتی ہے عظیم تر اللہ پر

تو فلاں بن فلاں کا گوشت نہ کھا

اور اس کا خون نہ پی

اور اس کی ہڈیاں کھوکھلی نہ کر

اس کے لئے غم کے سائے نہ بڑھا

اور اس کو درد سے پریشان نہ کر

تو چھوڑ جا اس کے بالوں کو، جلد کو، گوشت اور خون کو

اور اس کو پکڑ لے جو یہ سمجھتا ہے کہ خدا کے ساتھ کوئی معبود ہے

نہیں کوئی معبود سوائے اس کے وہ پاک ہے بلند ہے اس سے جو اس کا شریک نہ بناتے ہوں ۔

اس کے بعد کسی کافر، خدا کے دشمن کا نام لکھے۔

﴿۷﴾ بخار کو دور کرنے لئے ذیل کے کلمات لکھے اور مریض کے دائیں بازوپر باندھے۔

خدا کے نام سے جو بڑا رحم والا مہربان ہے

حمد ہے خدا کے لئے جو جہانوں کا رب ہے ۔۔۔۔۔

خدا کے نام اور ذات سے

پناہ لیتا ہوں خدا کے تمام تر کامل اور مکمل کلمات کی

جن سے کوئی نیک و بد آگے نہیں بڑھ سکتا

ان چیزوں کی شر سے جن کو اس نے پیدا اور ظاہر کیا

ہر ڈسنے والے زہر والے، بری نیت والے، ملامت کرنے والے کے شر سے

اور رات دن میں ہونے والے حادثوں کے شر سے

عرب و عجم کے بد کار لوگوں کے شر سے

جنوں اور انسانوں میں بدکاروں کے شر سے

شیطان اور اس کے جال کے شر سے

ہر شر والے کے شر سے اور ہر زمین پر چلنے والے کے شر سے

کہ ان سب کی مہار خدا کے ہاتھ میں ہے یقیناً میرا رب صراط مستقیم پر قائم ہے

اے ہمارے رب ہم نے تجھ پر بھروسہ کیا، تیری طرف پلٹ آئے اور تیری ہی طرف پلٹنا ہے

اے آگ ابراہیمؑ کے لئے ٹھنڈی اور سلامتی والی بن جا

انہوں نے اس کے خلاف سازش کی اور ہم نے ان کو زبوں حال کر دیا

ٹھنڈی اور آرام دہ بن جا فلاں ابن فلاں کے لئے

اے ہمارے رب ہماری گرفت نہ کر اگر ہم بھول جائیں یاخطا کریں ۔۔۔۔۔

مجھے کافی ہے وہ اللہ کہ جس کے سوا کوئی معبود نہیں اسے اپنا سہارا بناؤ

اور اس زندہ پر بھروسہ کرو جس کو موت نہیں آئے گی حمد کے ساتھ اس کی تسبیح کرو

کہ وہ کافی ہے وہ اپنے بندوں کے گناہوں کو جانتا ہے اور بوجھتا ہے

نہیں کوئی معبود سوائے اللہ کے وہ یکتا ہے کوئی اس کا شریک نہیں

اس نے سچا وعدہ کیا اپنے بندے کی مدد فرمائی

اور گروہوں کو شکست دی، وہ یکتا ہے

جو خدا چاہے وہ ہوتا ہے، نہیں کوئی قوت مگر خدا سے

خدا نے لکھ دیا ہے کہ میں اور میرے رسول ضرور غالب ہوں گے

بے شک اللہ قوت و عزت والا ہے

بے شک خدا کا گروہ ہی غالب اور بھاری ہے

اور جو خدا سے وابستہ ہو جائے اسے سیدھے راستے کی ہدایت نصیب ہو جاتی ہے

اور خدا درود بھیجے محمدؐ اور ان کی آلؑ پر جو پاک اور پاکیزہ افراد ہیں۔

﴿۸﴾ مصری کی تین ڈلیاں لے کر ان پر ذیل کے کلمات لکھے اور روزانہ ایک ڈلی کھائے تو بخار سے شفا ہو جائے گی پہلی ڈلی پر لکھے۔

میں نے خدا کے حکم سے باندھ دیا ۔

دوسری پر لکھے:

خدا کے حکم سے پختہ تر کر دیا۔

اور تیسری ڈلی پر لکھے کہ

میں نے خدا کے حکم سے روک دیا ۔