جادو کے توڑ کا تعویذ

حضرت امیر المؤمنین علیؑ ابن ابی طالب سلام اللہ علیہ سے مروی ہے کہ جادو کا توڑ کرنے کے لئے یہ تعویذ ہرن کی کھال پر لکھ کر اپنے پاس رکھے ۔

خدا کے نام سے اور خدا کی ذات سے، خدا کے نام سے اور جو خدا چاہے

اور خدا کے نام سے اور نہیں طاقت وقوت مگر جو خدا سے ہے

موسیٰؑ نے کہا تم جو جادو لے کر آئے ہو یقیناً خدا اس کو باطل کر دے گا

بے شک خدا فساد کرنے والوں کا بھلا نہیں کرتا

پس حق غالب آیا اور جو کچھ انہوں نے کیا برباد ہو گیا

تو وہیں شکست کھا گئے اور ذلیل ہو کر واپس چلے گئے ۔

نیز شیطانوں اور جادوگروں کے دفعیہ کے ضمن میں حضرت رسولؐ خدا سے مروی ہے کہ آیتِ سخرہ پڑھے اور وہ یہ ہے۔

بے شک تمہارا رب وہ اللہ ہے جس نے پیدا کیا آسمانوں اور زمین کو چھ دنوں میں

پھر وہ عرش کی طرف متوجہ ہو گیا

وہ رات کو دن کا لباس پہناتا ہے جسے وہ جلدی میں ڈھونڈتی ہے

اور سورج چاند ستاروں کو پیدا کیا جو اس کے حکم کے تابع ہیں

آگاہ رہوں خلق و امر اسی کے ہاتھ میں ہے بابرکت ہے اللہ جو جہانوں کا رب ہے

پکارو اپنے رب کو گڑ گڑا کر اور چپکے چپکے

یقیناً وہ حد سے گزرنے والوں کو پسند نہیں کرتا

اور زمین میں فساد نہ پھیلاؤ جب اس کی اصلاح ہو چکی

اور خدا کو خوف و طمع کے ساتھ پکارو

بے شک خدا کی رحمت نیکوکاروں کے قریب تر ہے۔

بعض روایات میں ہے کہ اسے تَبَارَكَ ﷲ رَبُّ الْعَالَمِیْن تک پڑھے۔

حضرت رسولؐ خدا سے منقول ہے کہ ہرمل کے ایک پتے اور ایک ایک دانے کے ساتھ ایک ملک مؤکل ہوتا ہے اور یہ اس پودے کے ختم ہونے تک اس کے ساتھ رہتے ہیں اور اس کی جڑیں اور شاخیں غم اور جادو کو دور کرتیں ہیں اور اس کا دانہ ستر بیماریوں سے شفا کا موجب ہے۔ لہذا تم لوگ ہرمل اور کندر (جو ایک قسم کی گوند ہے) کے ساتھ اپنا علاج کرو۔